Aros

Llety newydd sbon yng nghanol ardal hyfryd Dyffryn Nantlle

Agorodd y llety newydd ym mis Gorffennaf 2021. Ceir 3 ystafell sydd wedi eu hadnewyddu a’u dylunio’n chwaethus a chyfforddus ar gyfer ymweliad unigryw â’r ardal.

Ystafell Dulyn (twin)

Ystafell sy’n cynnwys dau wely sengl gyda matresi moethus yn ogystal â dillad gwely o safon. Mae ystafell ymolchi breifat a chwaethus yn rhan o’r ystafell sy’n cynnwys toiled, sinc a chawod.

Darperir tywel fach a mawr i bob gwestai sy’n gynwysedig ym mhris yr ystafell. Mae lle o dan y gwlau i gadw bagiau a mae rac dillad chwaethus ar gyfer storio dillad ac esgidiau.

Mae cyswllt di-wifr am ddim yn yr ystafell yn ogystal â chyfleusterau te a choffi er mwyn sicrhau arhosiad cartrefol i’n gwesteion.

Gyda golygfeydd o ochr Orllewinol Crib Nantlle sy’n cynnwys mynyddoedd ‘Mynydd Graig Goch’, ‘Garnedd Goch’ a ‘Chraig Cwm Silyn’ yn amlwg o’r ffenestr, bydd yn siwr o’ch denu i’r mynyddoedd am dro.

Mae modd ehangu’r ystafell hon i greu adran breifat i 4 person gan ei baru gyda’r ystafell ddwbl drws nesaf (Llifon).

Ystafell Llifon (dwbl)

Mae’r ystafell hon yn berffaith i ddau gyda gwely dwbl a matres foethus yn ogystal â dillad gwely o safon.

Mae ystafell ymolchi breifat a chwaethus yn rhan o’r ystafell sy’n cynnwys toiled, sinc a chawod.

Darperir tywel fach a mawr i bob gwestai sy’n gynwysedig ym mhris yr ystafell. Mae lle o dan y gwlau i gadw bagiau a mae rac dillad chwaethus ar gyfer storio dillad ac esgidiau.

Mae cyswllt di-wifr am ddim yn yr ystafell yn ogystal â chyfleusterau te a choffi er mwyn sicrhau arhosiad cartrefol i’n gwesteion.

Ceir golygfa hyfryd o’r ystafell hon sy’n edrych draw ar ochr Orllewinol Crib Nantlle. Gellir gweld mynyddoedd ‘Mynydd Graig Goch’ a ‘Garnedd Goch’ yn amlwg o’r ffenestr, sy’n gwneud lleoliad yr ystafell hwn yn un unigryw a braf.

Mae modd ehangu’r ystafell hon i greu adran breifat i 4 person gan ei baru gyda’r ystafell 2 sengl drws nesaf (Dulyn).

Ystafell Silyn (dwbl a bync / teuluol)

Ystafell fawr sy’n cysgu 4 felly’n berffaith i deulu neu chriw o ffrindiau. Yn yr ystafell hon ceir un gwely dwbl moethus ac un bync yn ogystal â chadair a bwrdd.

Ceir dillad gwely o safon ar pob gwely a darperir tywel fach a thywel mawr i bob gwestai sy’n gynwysedig ym mhris yr ystafell. Mae lle o dan y gwlau i gadw bagiau a mae rac dillad chwaethus ar gyfer storio dillad ac esgidiau.

Mae ystafell ymolchi breifat a chwaethus yn rhan o’r ystafell hon sy’n cynnwys toiled, sinc, cawod a baddon.

Mae cyswllt di-wifr am ddim yn yr ystafell yn ogystal â chyfleusterau te a choffi er mwyn sicrhau arhosiad cartrefol i’n gwesteion.

Ceir dwy ffenestr yn yr ystafell hon- un yn edrych tuag at draeth Dinas Dinlle yn y Gorllewin a’r llall yn edrych ar ochr Orllewinol Crib Nantlle gyda’r mynyddoedd yn eu holl ogoniant.